繼電影《L風暴》後，鄭嘉穎在新片《P風暴》繼續以廉政公署人員程德明身分亮相，今次除了協助在監獄做臥底的古天樂裏應外合交換情報外，更要營救證人周秀娜。文：鄺芷瑩 圖：朱偉彥
嘉穎與周秀娜曾於《葉問外傳：張天志》合作，戲中嘉穎更辣手摧花掌摑對方，今次《P風暴》則來個大逆轉，營救周秀娜，經過今次再度合作，嘉穎坦言更加欣賞對方：「有場戲要拖住周秀娜在大球場逃跑，唔知點解她碰見我都係唔好受，好似一個人唔做開運動要跑勻巷仔、觀眾席，但咁多個take都要跑㗎！但她好敬業，通常女仔會有嘢投訴，不過她零投訴，她算係我合作過最容易合作的女演員之一。」
對於相隔多年跟林峯於大銀幕再度聚首，嘉穎坦言跟對方15年未合作過，當年合作無綫劇《Yummy Yummy》要出埠到新加坡拍攝，大家相處個幾月，他說：「我哋成班人好老友！大家有個新加坡朋友有份拍攝又好貪食，當時一收工大家會食嘢，就建立咗友誼。」嘉穎笑言當年跟林峯合作該劇沒有動作場面，不過今次在《P風暴》見面就要拍打戲，雖然曾睇對方演出的動作戲，但今次合作後發現林峯的身手不錯。談到林峯破格演反派，嘉穎說：「我覺得演員唔可以框住自己，只要有發揮角色就去做，我覺得林峯好聰明，因為每個演員都有遇到樽頸位，點樣去突破？就係要人哋估你唔到，要做一啲未做過的角色先突破到樽頸位，希望林峯呢個角色為大家帶來驚喜。」
家庭擺在第一位
初為人父的嘉穎，坦言現時若要他離港幾個月到外地拍攝，暫不會考慮，他說：「如果早十年問我，價錢同角色ok的話，梗係去啦！但現在會把家庭放在第一位。」
化妝：Henry Li
髮型：Nicki Ting
服裝：@McQ @ITHK 、 @ZUCCa @ITHK
場地提供：Studio King 影樓王
####
■嘉穎與娜姐跑足幾場戲，讚對方好易合作。
■嘉穎與林峯15年未合作，今次見面就要大打出手。
■嘉穎坦言暫時不會放下妻兒、到外地長時間開工。
■初為人父的嘉穎，當下將家庭擺在第一位。
■嘉穎認為演員不應框住自己。
鄺芷瑩
主頁
| 要聞港聞
| 國際
| 中國
| 社論
| 財經
| 地產
| 娛樂
| 教育
| 副刊
| 馬經
| 體育
